粉底既詢問度向來好高，相信係因為於大家既認知中，粉底係一樣對皮膚無益既產品，堵塞毛孔、致痘、使毛孔變粗、令皮膚泛黃等。的確如此，尤其係粉底液，要好推、防水，當中需加入不少油脂，油痘肌長期使用無疑係負擔。

由於近年唔小心開啟左「油痘肌」市場，本木序現接近7-8成都係呢類皮膚，佢地既問題普遍係膚色偏黃、暗沉(出油多的通病)，有好大化妝提亮需求，但又心知肚明搽粉會塞毛孔及致痘，係呢個兩難之間搵唔到出路，惟有將寄望放左係我地身上(多謝咁睇得起我地)。本來真無諗過做粉底，想想要調色都頭痛，不過你地個個用無助眼神望住我，就即管試試。

設計配方時，要解決既係質地油膩既問題，首先要選對油脂，我地採用可可巴油及角鯊烯，都屬於偏薄而穩定既油種，其次要考慮乳化體系及包裹技術，剛好以上兩種靚油與體系匹配，造就左而家清爽既質地，透氣且延展性佳。另外，呢個乳化結構既疏水又疏油，所以防水防油都相當出色。

其次要處理卡粉、均勻度既問題，雲母等礦物要研磨得夠「納米」，貼服度先會上升，再加上可可巴油及角鯊烯極為親膚，與皮膚融合，減少浮粉機會; 而礦物粉與油脂既穩定性，亦令底妝唔會變黃。

最後就係value added既步驟，始終作為護膚品品牌，就算係化妝品都要有保養概念。除左唔塞毛孔、唔致痘外，更添加調節油脂分泌既植物萃取，如山茶花、蘆葦、甜葉菊苷、矢車菊花。美白成分加入左維他命B3同維他命C，截斷黑色素形成。咁中性、乾肌用唔用得呢?當然可以，因為入面保濕成分同樣唔少，如蘆薈、玉米、甘油、歐錦葵等，目標係達致你地最想要既水油平衡，當然一支小小粉底唔可能真的達成咁偉大既願景，但係成分上有盡到護膚既職責。

最後就係遮瑕度，係以上既限制底下，遮瑕度唔能夠要求專業化妝品牌既Level，而呢個亦唔係我地既目標，個人喜歡透亮、啞光既自然妝感，均勻提亮膚色、令毛孔無咁顯眼、遮一遮黃氣及疲態，於日常返工、行街已好夠用。

希望大家化妝化得安心無罪疚感吧。

相關產品：水光透薄礦物粉底